Banaanbax loogasoo horjeedo Meles zenawi oo shir looga hadlaayo tamarta iyo shidaalka uga qeyb galaya Oslo.

Banaanbax looga soo horjeedo  Meles Zenawi   oo  ka qeyb qaadanayey  shir looga  hadlayo arimaha Tamarta iyo Shidaalka ee Geeska Afrika,

Banaanbaxan ayaa  ahaa mid si weyn  uga soo qeyb galeen   Dadka  u dhashay Ogaadeeniya  ee ku jira gumeesiga   dalka Itoobiya,  banaanbaxayaasha ayaa  qeylo dheer   ku gaarsiiyey fikirkooda     ayagoo soo buux dhaafiyey  banaanka  Hotelka shirka ka socda.

Banaanbaxayaasha  ayaa  fikirkooda ku muujiyey  in ay ka dhiidhin doonaan oo aysan aqbali doonin  heshiis  kasta oo Meles Zenawi lasoo galo  Shirkadaha Shidaalka Dalka Norway.

“Digniin loosoo jeediyey shirkadaha  doonayo in ay  shidaalka(gaaska dabiiciga)  kasoo saaraan  dhulka Ogadenia  in ay  ka joogaan    dabka ay  dhex dhigayaan dadka u dhashay deegaanka ” waxaa yiri nin kusoo gaabiyey magaciisa Jaamac.

Shirkan oo ka dhacay Magaaladda Oslo ee Norway, shirkan ayaa ah mid soconayo labo maalmood  oona looga hadlayey  arimga Tamarta iyo Shidaalka,   martida  kasoo qeyb gashay  ayaa waxaa  ka mid ah:-

1- BAN Ki-moon, Secretary General of the United Nations

2- Jens Stoltenberg, Prime Minister, Norway

3- Raila Amollo Odinga, Prime Minister of Kenya

4- Meles Zenawi, Prime Minister of Ethiopia

Waxaa lagu casuumey casho sharaf dhamaan intii kasoo qeyb gashay, waxaana  marti qaadey wasiir Shidaalka Norway Minister of Petroleum and Energy, Mr. Ola Borten Moe.