|

Culumada Soomaaliyed ee Ictisaam ayaa soo saaray baaq Saddexaad oo ay uga hadlayaan dilkii ay Sheekh C/qaadir Gacameey..

Culumada Soomaaliyed ee Ictisaam ayaa soo saaray baaq Saddexaad oo ay uga hadlayaan dilkii ay maleeshiyaadka Al-Shabaab u geysteen Sheekh C/qaadir Gacameey oo ka mid ahaa culimada Soomaaliyeed

Kadib markii ay sii kordheen dhibaatadda kooxda maleeshiyada Shabaab ay ku hayaan culumaa’udiinka Soomaaliyeed iyo dadka wax galka u ah bulshada ayaa waxaa isa soo tararayay baaqyada ku aadan in laga hortago falalka guracan ee kooxdani ay ku heysato indhaha bulshada.

Culumaa’udiinka Soomaaliyeed ee Ictisaam ayaa baaqii Sedaxaad ka soo saartay dilalka joogtada ah ee kooxda argagaxisada ee Al shabaab ay ku hayaan culumada Soomaaliyeed gaar ahaan dilkii ugu dambeeyey ee Magaaladda Garowe ee xarunta gobolka Nugaal loogu geystay Allaha u naxriistee Sheekh  C/qaadir Nuur Faarax

Sheekh Axmed Cabdi Samad oo ka mid ah culumada Soomaaliyeed ee Ictisaam ayaa uga mahad celiyay maamulada Puntland iyo Somaliland sida ay uga qeyb qaateen sidii gacanta loogu soo dhigi lahaa gacan ku dhiiglayaashii ka dambeeyay dilkii Shiikha.

Sheekh Axmed Cabdi Samad aya ugu baaqay culumada Soomaaliyeed in ay sameyaan wacgelin ku aadan sidii looga hor tagi lahaa dhibaatada Maleeshiyada Al shabaab ay ku damacsanyihiin in ay kaga hortagaan horumarka hada uu ku talaabsaday dadka iyo dalka soomaaliyeeed.

Dhinaca kale Sheekh Axmed Cabdi Samad ayaa ugu baaqay in ay badiyaan baryada Alle  si looga hortago falalka guracan ee shabaabku ay geystaan waxaana uu ku baaqay in la sameeyo banaanbaxyo balaaran oo looga soo horjeedo kooxdan gabbalkeedu uu sii dhacayo.

Baaqan Sedaxaad ee culimada Soomaaliyeed ee Ictisaam ayaa imaanaya xilli uu weli sii kordhayo baaqyada ku aadan in la soo qabto arxan laabayaashii ka dambeeyey dilkii Allaha u naxriistee Sheekh  C/qaadir Nuur Faarax.

Source: Radiomuqdisho

www.Nuxur.com

cabdixakiin441@hotmail.com


Tags: , , ,

nuxur nuxur

Leave a Reply

*